Mae’r ganolfan yn gallu cynnig amrywiaeth o gyfleoedd addysg awyr agored. Rydyn ni’n teilwra’n rhaglen i ddiwallu’ch anghenion chi. Rydyn ni’n cynnig gweithgareddau ‘antur’ megis dringo, canwio neu gyfeiriadu neu rydyn ni’n cynnig gweithgareddau meithrin medrau gweithio’n rhan o garfan. Mae modd ichi ddefnyddio beiciau mynydd ond bydd rhaid ichi ddod â’ch beic eich hun. Byddwn ni’n cynnig pecynnau addysgiadol hefyd-megis astudiaethau ynglyn â’r amgylchedd ar gyfer grwpiau o blant iau. Mae’r rhan fwyaf o grwpiau sy’n dod i’r ganolfan yn trefnu i wneud dipyn o bopeth ond bydd eich amserlen yn dibynnu ar y tywydd, y staff fydd ar gael a’ch dewisiadau chi.

Rydyn ni wedi cynnal asesiad o risg o weithgareddau’r ganolfan i gyd ac mae cymhareb disgybl – hyfforddwr dda gyda ni, yn arbennig ar gyfer dringo a chanwio. Mae cymwysterau sy’n cael eu cydnabod ar hyd a lled y deyrnas mewn mynydda, dringo, canwio a beicio oddi ar y ffordd gyda rhai o’n staff. Mae tystysgrif cymorth cyntaf gyda’r rhan fwyaf o’n staff ac mae pob un sy’n gweithio gyda phlant ifainc wedi cael tystysgrif arbennig Swyddfa Cofnodion Troseddol. Rydyn ni’n defnyddio radio dwyffordd i gyfathrebu yn y goedwig.

Cliciwch yma i fynd i frig y dudalen